Characters:
·
Amanda (Main Character) - Ang anak nga
nag-rebelde saiyang pamilya
ug
nisubay sa dalan sa kangitngit.
·
Armando - Ang amahan ug ang nag-lugos kay
Amanda
·
Jobita- Ang Inahan ni
Amanda
·
Generosa- Ang igsoon ni
Amanda
·
Anghel sa Kahayag- Ang
Anghel nga gusto hatagan si Amanda ug tsansa.
·
Anghel sa Kangitngit-
Ang Anghel nga gusto kwaon ug dal-on ang kalag ni Amanda sa impyerno
·
Graciana- Ang bugaw nga
nanag-iya sa gitrabahoan ni Amanda nga boringan
·
Mga sakop sa Anghel sa Kahayag
·
Mga sakop sa Anghel sa Kangitngit
Scene 1
Setting: Balay sa pamilya ni Amanda. Sala duol sa Kwarto.
(Altar, kandila nga sindihan ni Amanda ug Bibliya. Tabil sa Kwarto)
Armando: Amanda! Jobita! Hain mo? (Murag hubog nga nag-lakaw)
Amanda:
Ania ra ko Pa. (Mitan-aw saiyang Papa, nigawas gikan sa kwarto)
Gikan ko natulog. (Nanghuyatid ug nangoy-ab)
Armando:
Tsada man lagi na imung gisul-ob? Aha na gikan? (Gi-head to foot si Amanda)
Amanda:
Pa? Nakainom na sab ka?
Armando:
Unsay nakainom? Wala! Hain imung mama ug igsoon?
Amanda:
Naa sila’y gilakaw sa Merkado pa. (Nagsugod nag kahadlok)
Naa sa koy adtoon sa silingan.
Armando:
Dili ka mulakaw! Diri ra ka! (Gisimhot ang buhok ni Amanda ug gigakos siya)
Amanda:
Buhii ko pa. Sigurado ko, nakahithit ka na sab ug marijuana. (Giwakli ang kamot
ni Armando)
Armando: (Nagkatawa) Ayaw lage pag-ingana lage. Gahi kayo kag ulo ha. Ali
diri! (Gibira si Amanda sa sulod sa kwarto ug gi-lugos)
Scene 2
Setting: Balay sa pamilya ni Amanda. Kusina.
(Lamisa. Naghiwa si Amanda ug lamas. Nag-hinlo ug kuku si Jobita.
Musulod si Generosa sa kagubot)
Jobita:
Dalie gud na imung gi-luto diha Amanda. Mu-abot gane to imung Papa nga gigutom,
ambot lang gyud.
Amanda:
(Gi-hinay pag-storya) Papa nga demonyo.
Jobita:
Unsay gi-ingon nimu? Usaba daw? (nitindog sa gi-lingkuran)
Amanda:
Hantod kanus-a ka magpa-buta buta ma? Dili ba gyud nimu tuohan akong gisulti
kanimo?
Jobita:
Ayaw ko buang-buanga Amanda! Nganung gusto nimu dauton ang usa ka malipayong
pamilya? Ha?
Amanda: Malipayon? Pag-mata saimung katulogon ma! Mas importante na diay
karun ang kaulaw sa isulti sa silingan kaysa sa hustisya ma? Wala naba gyud koy
bili aning balaya ni? (Nagsugod ug hilak)
Jobita: Ayaw ko dramahi Amanda! Ug hinaya ng tingog mo kay unsa nalang
ang iingon sa mga silingan. (Gi-dukol2x si Amanda)
Generosa: (Nisulod) Unsay
gikagubtan ninyo diri ma? Alingogngog kayo! Maulaw ta sa silingan.
Jobita: (Gitudlo si Amanda) Imung igsoon. Gihatagan na sab kog sakit sa
ulo! Gikapoy na jud ko.
Generosa: (Niatubang kay Amanda) Hoy Amanda! Undangi ng mga kabuang nimu
ha. Apil-apilon na sab nimu ang reputasyon satong pamilya tungod ug alang
saimung kaugalingon. Selfish ra kayo ka.
Amanda: Mga bwesit mung tanan!
Generosa: Pag-tarung tarung anang gipanulti nimu Amanda ha! (Gibira ang
buhok ni Amanda)
Ayaw
jud kog palaguta! Musukol nka nko? (Gituklod si Amanda sa nay bangko). Punyeta
kang dako! Kung mao nay kalaki nimu maypag mulayas ka nganhi kaysa magbuhi meg
sama nimu ka balingag ug utok!
Scene 3
Setting: Balay sa pamilya ni Amanda. Kwarto.
(Natulog si Armando ug nakamata. Ni-inom ug tubig.)
Amanda:
(Gi-storya si Armando) Angay kang mamatay.
Armando: Nag-unsa ka diri? (Nitutok kadali kay Amanda)
Ayaw ko
tan-awa ug ing-ana ha. Basi ka karun. (Nitalikod ug niinom ug tubig)
Amanda: (Gi-duslak si Armando ug kutsilyo sa likod) Angay kang mamatay!
Dimonyo kang dako! (Nihilak ug gi-tan-aw ang dugo saiyang mga kamot)
Jobita: Amanda! Unsa kining gibuhat mo? Animal ka! (Gi-duol si Armando)
Kaugalingon nimung amahan, imung gi-patay!
Amanda: (Na-alarma ug nahigmata saiyang nabuhat. Nidagan palayo)
Jobita: Bayaran ni nimung tanan Amanda! Dili ka mag-mahay. Manimalos ang
langit kanimo! Bayaran nimu ang kinabuhi ni Armando!
Scene 4
Setting: Night Club nga gitrabahoan ni Amanda
(Nag-make-up si Amanda. Make-up ug sigarilyo
sa lamisa. Shabu nga itunol ni Graciana. Botilya sa ilimnon.)
Graciana:
Amanda, ania na imung order. I-charge nko
saimung kita karung gabie ha.
Amanda: Hain man? Dalie kay ganeha ra ko nangita ana ba. (Nanigarilyo)
Graciana: Ania. Basin a-sobrahan naka ana ha.
Amanda: Graciana, mura kag wala kaila nko. Kabalo nko ani. Didto naka sa
gawas. Dali.
(Gigamit
na ang shabu. Nag-sugod na xag kabuang, pagka-taud2x…)
Graciana: Amanda! Kadugay nimu diha! Pila na ka oras nag-hulata ang
kostomer. Wala pa baya kay ibayad anang order nimu ha. Pagdali na diha!
Amanda: Kinsa ka para mag-buot kung unsa akng buhaton? Ha? (Gi-kwelyohan
si Graciana)
Graciana: (Niatras ug ni-aksyon ug gawas) AAaa..Amanda.. na-high na ka.
Dili na ni maayo.
Amanda: (Nikatawa ug kusog) Pareha mug dagway ni Armando. (Nawala saiyang
kaugalingon samtang gigunitan ang dagway ni Graciana) Angay ka mamatay.
Graciana: Tabang!!!
Amanda: (Gituklod si Graciana sa bangko ug gi-trangkahan ang portahan sa
dressing room. Gi-patay si Graciana gamit ang kutsilyo) Anaa na pud koy
napatay? (Nagkatawa nga nigawas sa dressing room. Nagdala-dala ug ilimnon ug nilingkod
nga murag walay nahitabo. Nihilak)
Anghel
sa Kahayag: Kinahanglan na gyud ni Amanda ug
tabang gikan sa nakagagahum. (Nakurat sa nigawas)
Anghel
sa Kangitngit: Ha!
Hayahay kayo ka diha. Wala ba ka kabantay? Naa pa sa kalibutan si Amanda
pero gina-sunog na ang iyang kalag sa impyerno. Dautan siya. Demonyita gyud.
So, wala na kay mabuhat. Klaro na man nga saamu ni siya padulong. So, ayaw na
pang-ambisyon nga mailog pa nimu siya.
Anghel
sa Kahayag: Dili kana mahimo. Dako pag tsansa si
Amanda nga mag-bag’o. Anaa na mey gi-andam nga mubag’o kaniya sa prisohan.
Kinahanglan siya ma-priso arun mahigmata siya.
Anghel
sa Kangitngit: Ayaw kayo pag-paka feeler ha. Grabe
na among pag-paningkamot anang Amanda. Wala na kay mabuhat saamung plano.
(Ni-atubang kay Amanda)
Hello
Amanda. Party2x na ta didto samung dapit? Uban ta?
Amanda: Kinsa kang demonyoha ka? (Nakurat)
Anghel
sa Kangitngit: Hala, so maayo kag identification?
Kaila lage ka sako? (nigunit kay Amanda)
Anghel
sa Kahayag: Buhii siya.
(Itugtog
ang Bohemian Rhapsody: Nag-ilog ang Anghel sa Kangitngit ug Anghel sa Kahayag
kang Amanda)
(Nadaog
ang Kangitngit ug na-angkon si Amanda)
Scene 5
Setting: Balay sa Pamilya ni Amanda
(Sala. Naghinlo ug kuku si Jobita. Nag-luto si
Generosa)
Generosa:
Ma? Naunsa na si Amanda? Alingogngog kayo. Nganung sige na siyag syagit ug
“ayaw!”
Jobita:
Basig nag-damgo. Pukawa gani.
Generosa:
(Nisulod sa kwarto)
THE END
